O Centro Xuvenil Don Bosco nace no ano 1985 e dende entón non parou de buscar novas alternativas que ofertar á mocidade, aos rapaces e rapazas de Compostela. En todo este tempo fixéronse moitas cousas que converten o Bosco nun centro de referencia para moitas asociacións e persoas, voluntarias/os e profesionais do tempo libre.
É unha iniciativa que favorece distintas ofertas educativas para o tempo de lecer dos rapaces, rapazas, mozos e mozas do barrio e da cidade de Compostela.
Fisicamente o Centro Xuvenil Don Bosco está na rúa Belvís, número 2 de Santiago de Compostela, no barrio de San Pedro.
Polas súas diferentes ofertas está vinculado a outras entidades de carácter local autonómico e estatal: Coordinadora do Barrio de San Pedro, Federación de Centros Xuvenís Don Bosco de Galicia, Federación Gallega de Fútbol, Federación Gallega de Baloncesto e Scouts de Galicia.
O centro ofrece entre outros servizos:
• Un espazo de xogo.
• Canchas de deporte e xardíns.
• Locais diferenciados para actividades: teatro, espazo lúdico, biblioteca,...
• Un centro de recursos de todo tipo e apoio para o asociacionismo, fundamentalmente o xuvenil.